المعهد التكنولوجي العالي بمدينة العاشر من رمضان

 المعهد التكنولوجي العالي بمدينة العاشر من رمضان

العنوان : مدينة العاشر من رمضان – بجوار مجمع الصناعات الصغيرة 

يوجد اكثر من فرع بالمعهد - اكتوبر و مطروح

الأقسام الهندسية
■ قسم العلوم الأساسية
■ قسم الهندسة الطبية
■ قسم الهندسة الكهربية و الحاسبات
■ قسم الهندسة الكيميائية
■ قسم الهندسة المدنية
■ قسم الهندسة المعمارية
■ قسم الهندسة الميكانيكية-عام
■ قسم الهندسة الميكانيكية-ميكاترونكس
■ قسم الهندسة النسيجية

 المعهد بنظام الساعات المعتمده 

صفحة المعهد علي موقع التنسيق : http://www.tansik.egypt.gov.eg/application/Dalel/institutions/91.htm

الموقع الالكتروني : http://www.hti.edu.eg/ar/

lمعلومات تفصيلية عن نظام المعهد من احد الطلبة 

https://ar-ar.facebook.com/FacultyOfEngineeringHTI/posts/411105658957272

للى داخل معهد العاشر جديد
اقرأ عشان تعرف نظام المعهد .... كمنظومة و كتعليم
المعهد التكنولوجى العالى او HTI او هندسة العاشر كما بيطلق عليه بصورة شعبيه
انشأ سنة 1988 على يد الاستاذ الدكتور مصطفى كامل ... رائد التعليم العالى فى مصر
له 3 فروع فقط " العاشر من رمضان و دة الرئيسى - السادس من اكتوبر - مطورح "
فرع العاشر من رمضان هو الفرع الرئيسى و الادارى للمعهد على مستوى مصر
و فيه الاقسام دى " ميكانيكا ميكاترونكس - كهرباء - مدنى - طبية - عمارة - كيميائى - نسجيات "
بينما قسم ميكانيكا سيارات موجود فى فرع السادس من اكتوبر بس
و دى الاقسام الهندسية ...
فى علوم حاسبات و نظم فى العاشر من رمضان
و كمان ادارة اعمال فى العاشر من رمضان و مطروح ...
تقدر تراجع الاقسام المتاحة فى كل فرع من خلال اللينك دة
http://ar.wikipedia.org/wiki/المعهد_التكنولوجي_العالي
الاهم من دة بجد ودة الهدف من البوست دة .... منظومة الدراسة داخل المعهد
الدراسة بالمعهد بتبقى بنظام الساعات المعتمدة
يعنى ببساطة شديدة .... مطلوب منك تخلص رقم معين من الوحدات ... وليكن 207 وحدات دراسية ...
المعهد بيديك فرصه تخلص 207 يونت عشان يديك شهادة تخرج ....
ممكن لو انت قادر تخلصهم بجد تخلصهم فى 4 سنين و نصف ...
و ممكن برضه تخلصهم فى 7 سنين ...
و الفكرة ان المعهد بيديك فرصه كل ترم انك تسجل 20 وحدة دراسية كاقصى رقم متاح ....
و بكدة يبقى كل سنة بتخلص 40 يونت ؟ .... لا ابدا ....
فى ترم تالت ... بيسموه طلبة العاشر الترم الصيفى او التدريبى
المعهد بيدربك اجبارة تبع شركات و بيديك على التدريب دة 5 يونت زائد فرصه انك تسجل مادتين فى الترم دة
علما ان المواد بتختلف عدد يونتاتها من واحدة للتانية ما بين 1 يونت و 2 يونت و3 يونت
و طبعا كل ما اليونت زاد كل ما المادة كانت اكبر و اقوى
طيب تعالى نحسب تانى كدة ...
40 يونت ترمين فى السنة و الترم الثالث 5+ 6 " على اسا انك سجلت مادتين 3 يونت "
يبقى الاجمالى 40+ 11 = 51 يونت كل سنة
طيب ... اية المشكلة لو سجلت مواد اقل
مثلا 18 يونت او حتى 15 يونت ... هو طبعا مفيش مشاكل بس اقل عدد من اليونت 12.5 يونت
طيب عايز افهم اكتر و شوية كدة وواحدة واحدة
هو لما اختار المواد هعرف مواعيدها ازاى ؟ ... و الدكاترة مين و مكان المحاضرات
بص يا سيدى .... فى اول ترم ليك فى المعهد ... المعهد بيسلمك جدولك جاهز ...
بعد كدة انت بتعمل جدولك بايدك و دة بقصة طويلة اوى هتعرفها انك بتختار الدكتور و كمان ميعاد المادة و كمان هتقدر تقرر انت هتروح امتى و هتبقى اجازتك يوم اية !
بعد كدة بتبقى ماشى على الحال دة سنة لحد لما تكون عرفت نظام التسجيل
هتكون خلصت اعدادى ... و خلصت تدريب اعدادى
هتخش بقى على القسم
هتختار قسمك على حسب تقدريك و عادة اللى فوق الجيد بيقدر يختار اى قسم
و اعلى اقسام عليها حشد دايما هى ميكاترونكس و مدنى و كهربا ....
بينما الاقسام الرايقة فى تسجيلها وموادها و شعبها ودكاترتها بيبقوا طبية و كيمائية و نسجية
لقلة العدد
و طبعا المعهد مش بيمشى بنظام دفعات
كل واحد واحد بيمشى لوحده فى الخطة اللى هو حطها من خلال لايحة مواد
بتقدر تحملها من موقع المعهد... و فيها كل المواد اللى المتوفرة و اللى تقدر تختارها و بيبقى فيها عدد اليونتات المتاحة لكل مادة
فى جزء كمان اهم
لو انت داخل مدنى مثلا هتحتاج خريطة القسم لان مواد القسم كتير جدا لدرجة انك بتحتاج خريطة للمواد عشان تقدر تكرر تختار اية قبل اية
ولو انت داخل كهرباء فمشروع التخرج و التدريب هو اللى بيحدد تخصصك لانه تخصص عام و كذلك ميكانيكا .... بينما ميكاترونكس فانت متخصص اساسا
و فى مدنى التخصص الخاص بالمواد اللى اخدتها و بتدريبك
دى خلاصة بسيطة كدة ..... و هحاول انشر جزء تانى كمان يوضح اية نظام التسجيل فى المعهد اكتر و ازاى اعمل جدول
ربنا يوفقك

صفحات على الفيس بوك 

https://www.facebook.com/FacultyOfEngineeringHTI?fref=nf

https://www.facebook.com/hti.SU

https://ar-ar.facebook.com/HTIEEC10

https://ar-ar.facebook.com/HTI07